20 Yanvar terror aktı iştirakşısı: “Rus ordusundan mənə güllə yadigar qalıb”
20.01.2021 11:53
Buzovna
kəndində yaşayan Nəsir Əliyev 1990-cı il yanvarın 20-də rus ordusunun şəhərə girməsinə etiraz edənlər arasında olub. Həmin vaxt onun 27 yaşı var imiş. İndi artıq o ailə sahiidir, qızı və xanımı ilə bir "20 Yanvar" şəhidlərinin xatirəsini anmağa gəlib.
Nəsir Əliyev deyir ki, rus ordusunun törətdiyi terror aktı zamanı ağır yaralanıb. Gənc olduğu üçün orqanizmi güllələr ilə mübarizədə
qalib gəlib.
"Rus
ordusundan mənə güllə yadigar qalıb. O gecə 7 güllə yarası aldım. 3 gün
komada qaldım. Komadan ayılmağım möcüzə idi.
2 güllə hələ də bədənimdədir, çıxartmaq mümkün deyil. Yəqin ki, o vaxt gənc
olduğum üçün kəfəni yırta bildim. Amma ruslar mənim 3 dostumu öldürüb. Nüsrət,
Fuad və Sabir Mərdəkan xəstəxanasında gözlərimin önündə şəhid
oldular”, - deyə Nasir Əliyev 1990-cı ilin 20 yanvar gününü xatırlayır.
Biz ondan ayrılanda həyat
yoldaşı və qızı ilə dostlarını ziyarət edən Nəsir Əliyev qızına "20 Yanvar"ın Azərbaycan
tarixindəki əhəmiyyəti və şəhidlər barədə danışırdı.
Əminə Məmmədova
Fotolar müəlllifindir
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
