Erməni mediası - Sülh müqaviləsi Tiblisidə imzalanacaq

Ermənistanla Azərbaycan arasında sülh müqaviləsi noyabrın sonu-dekabrın əvvəli Tiblisidə imzalanması planlaşdırılır. Bu barədə Ermənistanın "Hraparak”  nəşri yazır.

Nəşrin yazdığına görə, tərəflər sülh müqaviləsinin "Qərb variantı” adlanan variantı imzalayacaqlar.  Tbilisinin isə seçilməsi təsadüfi deyil, çünki bu sənədin imzalanması ilə bütün Cənubi Qafqaz Türkiyənin təsir zonasında olacaq, Gürcüstan isə "Qərbin bu regionda maraqlarının əsas operatorudur”- nəşr yazır.

Bildirilir ki, bu müqavilənin  imzalanması ilə Ermənistan rəsmi və qəti şəkildə Qarabağdan imtina edəcək. O, təkcə hüquq-mühafizə orqanlarının deyil, həm də bütün dövlət idarəetmə sisteminin - yerli özünüidarəetmə orqanlarından tutmuş prezident aparatına kimi maliyyələşdirməni dayandıracaq.

İrəvana yalnız müəyyən xeyriyyə proqramlarını, məsələn, uşaq bağçalarını təmir etməyə icazə veriləcək”, - qəzet yazır.


Nəşrin yazdığına görə hazırda Qarabağda yaşayan erməni əhalisi seçim qarşısında qalacaq - ya Azərbaycan vətəndaşlığını qəbul edib Qarabağda qalmaq, ya da Ermənistan vətəndaşı kimi evlərini tərk edib Ermənistana köçmək.


www.anews.az