Tehran iranlı diplomatların Bakıdan çıxarılmasından yazdı

Azərbaycan tərəfinin Bakının persona non-qrata elan etdiyi iranlı diplomatlara münasibətdə hərəkətləri mehriban qonşuluq prinsiplərinə ziddir. Bu barədə cümə günü İslam Respublikası Xarici İşlər Nazirliyinin rəsmi nümayəndəsi Nasser Kanani Chafi bildirib.

"Biz Azərbaycan Respublikası hökumətinin bu davranışını mehriban qonşuluq prinsiplərinə zidd hesab edirik”, - deyə İran Xarici İşlər Nazirliyi öz Telegram kanalında yazıb.

İran Xarici İşlər Nazirliyinin nümayəndəsi Bakını "qarşılıqlı hörmət göstərməyə, mehriban qonşuluğa doğru irəliləməyə”, həmçinin "region düşmənləri”, o cümlədən İsrail "sionistləri”ndən "uzaq durmağa” çağırıb.

Aprelin 6-da Azərbaycan Xarici İşlər Nazirliyi İranın Bakıdakı səfirliyinin dörd əməkdaşının persona non-qrata elan edildiyini, onlara 48 saat ərzində Azərbaycan ərazisini tərk etmələri barədə göstəriş verildiyini açıqlayıb. İran səfirinin "ölkəsinin Azərbaycana qarşı son təxribat fəaliyyətindən qəti narazılığı” ifadə edilib.


Bakı ilə Tehran arasında münasibətlər bu ilin yanvarında Azərbaycanın İrandakı səfirliyinə silahlı basqın nəticəsində diplomatik missiyanın mühafizə rəisinin həlak olması və onun iki həmkarının yaralanmasından sonra xüsusilə gərginləşib. Hadisədən sonra səfirlik diplomatik fəaliyyətini dayandırıb, əməkdaşları və onların ailə üzvləri Azərbaycana təxliyə edilib.


www.anews.az