ABŞ Azərbaycan və Ermənistan arasında sülh prosesinin icrasında israrlıdır

ABŞ həll olunmamış məsələlər üzrə razılığa gəlmək üçün Ermənistan və Azərbaycanın birgə işini davam etdirməkdə israrlıdır. Bunu ABŞ Dövlət Departamentinin sözçüsü Metyu Miller keçirdiyi brifinqdə Moskvada Paşinyan-Putin-Əliyev üçtərəfli görüşünü şərh edərkən deyib.

"Bu bizim üçün hələ də prioritetdir. Dövlət katibi bir neçə həftə əvvəl Vaşinqtonda hər iki tərəfi salamladı. Biz başa düşürük ki, Brüsseldəki danışıqlar bundan sonra da davam edib və danışıqların davam etdirilməsinin tərəfdarıyıq. Dediyimiz kimi, biz artıq razılığın əldə olunduğuna inanırıq və hər iki tərəfin həll edilməmiş məsələlərdə razılığa gəlmək üçün birgə işləməsində israrımızı davam etdiririk”, -  o bildirib.

Mayın 25-də Moskvada Ermənistanın baş naziri Nikol Paşinyan, Rusiya prezidenti Vladimir Putin və Azərbaycan prezidenti İlham Əliyev arasında üçtərəfli danışıqlar keçirilib, danışıqlarda regional nəqliyyat və iqtisadi infrastrukturun blokdan çıxarılması məsələləri müzakirə edilib və işin bir həftə ərzində davam etdirilməsi barədə razılıq əldə olunub. 

Vaşinqton və Brüssel görüşləri haqqında

Mayın 1-4-də Vaşinqtonda Ermənistan və Azərbaycanın xarici işlər nazirləri Ararat Mirzoyan və Ceyhun Bayramov arasında danışıqlar olub. ABŞ dövlət katibi Entoni Blinkenin iştirakı ilə regional təhlükəsizlik və sabitlik məsələləri də müzakirə olunub. 



.

www.anews.az