Muxtar Babayev Gədəbəyə yollanıb
22.06.2023 14:09
Azərbaycanın Gədəbəy rayonunun Söyüdlü kəndindəki vəziyyətin araşdırılması üçün yaradılan Komissiyanın sədri Muxtar Babayev və Komissiya üzvləri kənd sakinləri ilə görüşmək üçün Gədəbəyə yollanıb. Bu barədə REAL TV məlumat verib.
"Komissiya üzvləri ilə birlikdə görüş və iclas keçiriləcək. Daha sonra əraziyə gedib vəziyyətlə tanış olacağıq. Komissiya ərazidəki problemləri daha dəqiq öyrənəcək və təkliflər hazırlayacaq”, - nazir bildirib.
İyunun 21-də Baş nazir Əli Əsədovun sərəncamı ilə Gədəbəy rayonunun Söyüdlü kəndində tullantı sahəsində monitorinqlərin aparılması və mövcud vəziyyətin qiymətləndirilməsi məqsədilə Komissiya yaradılıb. Ekologiya və təbii sərvətlər naziri Muxtar Babayev Komissiyanın sədri təyin edilib.
Komissiyanın tərkibinə səhiyyə, fövqəladə hallar, kənd təsərrüfatı nazirlərinin müavinlərii, Nazirlər Kabineti Aparatının Sənaye və energetika şöbəsinin müdiri, İqtisadiyyat Nazirliyi yanında Əmlak Məsələləri Dövlət Xidmətinin rəisi və Gədəbəy Rayon İcra Hakimiyyətinin başçısı daxildir.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
