Yaxın zamanlarda Brüsseldə görüş gözlənilir - Paşinyan

 

"Ermənistan və Azərbaycanın XİN rəhbərlərinin Vaşinqtonda keçirilən son görüşündə nəzərəçarpacaq irəliləyiş qeydə alınmayıb, lakin müəyyən irəliləyiş var. Yaxın gələcəkdə Azərbaycan prezidenti ilə Brüsseldə görüşüm Brüsseldə Azərbaycan prezidentinin vasitəçiliyi ilə planlaşdırılır.  Təəssüf ki, Ermənistan və Azərbaycan arasında sülh müqaviləsinin mətni hələ imzalanmağa hazır deyil. Ümid edirəm ki, qarşıdakı görüş zamanı Vaşinqtonda qeydə alınan müsbət məqamları reallaşdıracam”, - Paşinyan Nazirlər Kabinetinin iclasında deyib.

 

Bundan əvvəl Avropa İttifaqı Şurasının Prezidenti Şarl Mişel Kişinyovda keçirilən beştərəfli görüşdən sonra açıqlama verərək bildirib ki, Azərbaycan və Ermənistan liderləri iyulun 21-də görüşəcək. 

 

Paşinyanla Əliyevin sonuncu görüşü Türkiyədə prezident Ərdoğanın and içmə mərasimdə olub. Belə ki, hər iki dövlət liderləri qeyri-rəsmi formada görüşüb. 

 

İyunun 1-də Moldovada "Avropa siyasi birliyi”nin 2-ci Zirvə toplantısı çərçivəsində Azərbaycan və Ermənistan arasında münasibətlərin normallaşdırılmasına dair üçtərəfli görüş olub. 

 

Gülnar Nazimqızı