Qarabağ erməniləri Rəsmi Bakı ilə Yevlaxda görüşə bilər

Bildirilib ki, görüş üçüncü tərəfdən olmadan keçirilə bilər.  

 

Siyasi məsələlər üzrə şərhçi Azər Qasımlı hesab edir ki, belə bir görüşün keçirilməsi doğru addımdır və bunun yaxşı nəticəsi də ola bilər. 

 

"Belə bir görüş Azərbaycan ərazisində olacaqsa, mən buna müsbət yanaşıram və doğru hesab edirəm. Müəyyən problemlər var. Azərbaycanın ərazisində yaşayan müəyyən bir kütlə var və onlar vaxtilə Azərbaycan SSRİ-nin vətəndaşı olublar, amma indi Azərbaycan Respublikasının ərazisində yaşayırlar. Onlar ya Azərbaycanın vətəndaşlığını qəbul etməlidirlər, ya da Azərbaycan dövləti ilə onların münasibətləri hansısa bir formada tənzimlənməlidir. Çünki, vətəndaşlığı qəbul etmirlərsə, demək ki, onlar xarici vətəndaş hesab olunur. Xarici vətəndaşdırlarsa, deməli, çox uzun müddət Azərbaycan ərazisində qala bilməzlər. Təbii ki, burada hər iki tərəf arasında etimad olmalıdır.  Hesab edirəm ki, bu görüşün danışıqlar prosesinə müsbət təsiri olacaq. Paşniyan iqtidarına da bir şeylər lazımdır ki, Qarabağda yaşayan ermənilərin təhlükəsizliyinin təmin olunması ilə bağlı Ermənistan cəmiyyyətinə bunu təqdim etsin. Bu görüş də bunun üçün fürsətdir. Görüşdə əldə olunan müsbət nəticələr sülh sazişini reallaşdıra bilər”, - Qasımlı deyib.

 

Bundan əvvəl, Rəsmi Bakı Qarabağda yaşayan etnik erməni azlıq nümayəndələrini renteqrasiya məsələləri ilə bağlı iki dəfə görüşə dəvət edib. Lakin onlar görüşdən imtina ediblər. 

 

Martın 1-də isə Milli Məclisin deputatı Ramin Məmmədov Xocalıda keçirilən görüşdə məsul şəxs qismində erməəni sakinlərinin təmsilçiləri ilə görüşdə iştirak edib. 

 

Görüş zamanı renteqrasiya dair ilkin müzakirələr keçirilib. 

 

Aytac Zeynalova

Eltac Nurullazadə