Azərbaycanda növbədənkənar prezident seçkiləri başlayıb
07.02.2024 08:01
Azərbaycanda növbədənkənar prezident seçkiləri başlayıb. Səsvermə ilk dəfə bütün ölkəni əhatə edəcək.
Vətəndaşlar səsvermədə saat 08:00 - 19:00 arası iştirak edə biləcək.
Ölkə üzrə 125 seçki dairəsi üzrə 6 319 seçki məntəqəsi təşkil olunub.
Xarici İşlər Nazirliyi Azərbaycandan kənarda yaşayan vətəndaşlar üçün 37 ölkədə 49 seçki məntəqəsi yaradılmasını təmin edib.
Seçkilərdə 790 beynəlxalq müşahidəçi 49 beynəlxalq təşkilat və 70 ölkəni təmsil edir.
MSK yeddi namizədi - Yeni Azərbaycan Partiyasından hazırkı prezident İlham Əliyevin, Milli Cəbhə Partiyasından Razi Nurullayevin və müstəqil namizəd Zahid Orucun, Böyük Quruluş Partiyasının prezidentliyə namizədi Fazil Mustafa, Böyük Azərbaycan Partiyasının prezidentliyə namizədi Elşad Musayev, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev və namizədliyi özü tərəfindən irəli sürülməsi təsdiqlənən Fuad Əliyevin prezidentliyə namizədliyini qeydə alıb.
Azərbaycan Konstitusiyasına görə, Azərbaycan Prezidenti ümumi, bərabər və birbaşa seçki hüququ əsasında, sərbəst, şəxsi və gizli səsvermə yolu ilə 7 il müddətinə seçilir.
Gülnar Nazimqızı
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
