5 ölkə ilə birgə “Birlestic-2024” təlimi keçiriləcək

Azərbaycan, Qazaxıstan, Qırğızıstan, Tacikistan və Özbəkistan bu ilin iyulunda "Birlestic-2024” birgə əməliyyat-taktiki komanda-qərargah təlimləri keçirəcək. Bu barədə Azərbaycan Müdafiə Nazirliyinin mətbuat xidmətindən məlumat verilib.

"Təlimlər Qazaxıstanın Oymaşa poliqonunda, eləcə də Xəzər dənizindəki Tokmak burnunda keçiriləcək. Silahlı münaqişələr zonasının müəyyən edilməsi istiqamətində döyüş hazırlığı tapşırıqlarının yerinə yetirilməsi üçün tədbirlər görüləcək”, - məlumatda bildirilir.

Aktauda Azərbaycan, Qazaxıstan, Qırğızıstan, Tacikistan və Özbəkistanın müdafiə nazirliklərinin nümayəndələrinin iştirakı ilə konfrans keçirilib, konfrans iştirakçıları manevrlərə hazırlıqla bağlı bir sıra məsələləri müzakirə ediblər. 

www.anews.az