Nəcməddin Sadıkov Türkiyədə dindirilib

İkinci Qarabağ müharibəsi zamanı Azərbaycan Silahlı Qüvvələrinin o zamankı Baş Qərargah rəisi Nəcməddin Sadikovun Türkiyəyə aparılaraq orada dindirildiyi bildirilir. Bu barədə “Middle East Eye” nəşri diplomatik mənbələrə istinadən məlumat yayıb.

Jurnalist Raqip Soylunun məlumatına görə, Türkiyə rəsmiləri Sadikovu ordu daxilindəki rusiyapərəst meyilli şəxslərdən biri kimi dəyərləndirib.

Mənbəyə əsasən, Türkiyə müharibə zamanı onu vəzifədən uzaqlaşdıraraq öz ərazisinə gətirib və orada dindirib. Daha sonra ona Rusiyaya getməyə icazə verilib.

Məqalədə qeyd olunur ki, müharibə dövründə Türkiyə Azərbaycana döyüş dronları, radioelektron mübarizə sistemləri və kəşfiyyat texnologiyaları ilə dəstək verib.

N.Təbrizli