Zəngəzur dəhlizinin tikintisi başa çatmaq üzrədir - Prezident

Zəngəzur dəhlizinin tikintisi başa çatmaq üzrədir.Bu barədə Azərbaycan Prezidenti İlham Əliyev bu gün Daşkənddə Mərkəzi Asiya Dövlət Başçılarının 7-ci Məşvərət Görüşündə çıxışı zamanı bildirib.

“Əminəm ki, Azərbaycanın əsas hissəsini onun Naxçıvan Muxtar Respublikası ilə birləşdirmək üçün bu ilin avqustunda Vaşinqtonda əldə edilmiş razılaşmalar beynəlxalq daşımalar üçün tranzit imkanlarının genişləndirilməsinə töhfə verəcək. Azərbaycanda Zəngəzur dəhlizinin tikintisi başa çatmaq üzrədir.İlkin mərhələdə 15 milyon ton yükdaşıma qabiliyyətinə malik bu dəmiryolu Orta Dəhlizin əsas arteriyasına çevriləcək”, – deyə dövlət başçısı qeyd edib.