Erməni ekspertlər sabah Azərbaycana gəlir

Erməni ekspertlər sabah Bakıya səfərə yola düşəcəklər. Bu barədə "news.am" məlumat yayıb.

Ermənistan hökuməti 21-22 noyabr tarixlərində Bakıda keçiriləcək dəyirmi masada 5 ekspertin iştirakını təmin etmək üçün İrəvan-Bakı və Bakı-İrəvan çarter reyslərinin təşkilinə görə bugünkü iclasında 17 milyon 550 min dramın ayrılması barədə qərar qəbul edib. 

Qərarın əsaslandırılmasında deyilir ki, dəyirmi masada iştirak Ermənistanla Azərbaycan vətəndaş cəmiyyətinin nümayəndə arasında təmasların intensivləşməsinə və iki dövlətin cəmiyyətləri arasında etimadın möhkəmləndirilməsi mexanizmlərinin formalaşdırılmasına imkan verəcək.