Sahibə Qafarova: bu sessiyada 15 iclas keçirib, 57 qanun qəbul olunub

Parlament yaz sessiyası dövründə  15 iclas keçirib və 57 qanun qəbul olunub. Bunu spiker Sahibə Qafarova deyib. 

Onun sözlərinə görə, bu müddətdə bir sıra dövlət qurumlarının, o cümlədən Ombudsman Aparatının, hökumətin və Hesablama Palatasının hesabatları və məruzələri dinlənilib.

Qafarova qeyd edib ki, vətəndaşların qəbulu istiqamətində təxminən 10 min müraciətə baxılıb.

Parlament sədri əlavə edib ki, 58 deputat 110 ölkəyə səfər edərək beynəlxalq tədbirlərdə çıxış edib, eyni zamanda 39 ölkədən 48 nümayəndə heyəti Milli Məclisdə qəbul olunub.

Gülnar Nazimqızı