Milli Məclisin növbədənkənar sessiyası başa çatıb

Milli Məclisin sədrinin birinci müavini Əli Əhmədovun sədrliyi ilə parlamentin növbədənkənar sessiyasının sonuncu plenar iclası keçirilib.

Əli Əhmədov bildirib ki, növbədənkənar sessiya iyunun 5-də başlayıb və uğurla başa çatıb. O, sessiyanı bağlı elan etdikdən sonra Azərbaycan Respublikasının Dövlət Himni səsləndirilib.
Bununla da Milli Məclisin növbədənkənar sessiyası başa çatıb.

Qanunvericiliyə əsasən, Milli Məclis hər il iki dəfə – yanvarın 1-dən 15-dək və iyulun 15-dən avqustun 30-dək tətilə buraxılır. Bu müddətdə deputatlar məzuniyyətdə sayılır.

Tətil dövründə növbədənkənar sessiya çağırıldığı halda, tətil sessiyanın keçirildiyi müddət ərzində dayandırılır və deputatlar məzuniyyətdən geri çağırılır. Sessiya başa çatdıqdan sonra isə deputatlar yenidən tətilə buraxılır.