Rasim Balayev bildirir ki, bizi yaşadan kinodur. 

 

"Biz mənəviyyat adamıyıq. Biz vaxtilə ac və susuz qalmışıq. Mənim ayağımda indi problemlər var. Bunun hamısı kinodan olub. Biz sağlamlığımızı vermişik. Bu gün məndən  hər gün soruşulur ki, nə oldu kino? Mən mənəvi əzab çəkirəm. Mən heç nə deyə bilmirəm. Çünki, nə baş verdiyini bilirəm. Bu gün heç kimi günahlandırmaq olmur. Çox təəssüf ki, yeni stuktur düşünülmədi.  Azərbaycan kinosu xəstədir. Mən inanıram ki, Azərbaycan kinosu öz relsinə düşəcək. Sənətkarlar dünyasını dəyişsə, yeniləri gəlsə də, Azərbaycan kinosu bir sənətdir ", - o, martın 5-də keçirilən Azərbaycan Kinematoqrafçılar İttifaqı və Azərbaycan Respublikası Kinematoqrafçılar İttifaqının birgə konfransında deyib.