Putin və Rəisi nəyi müzakirə edib?
19.03.2024 15:09
Rusiya prezidenti Vladimir Putin iranlı həmkarı İbrahim Rəisi ilə beynəlxalq gündəmi, xüsusən də Fələstin-İsrail münaqişəsi zonasındakı vəziyyəti müzakirə edib. Bu barədə martın 19-da Kremlin rəsmi saytı məlumat yayıb.
"Hər iki tərəf mülki əhali arasında itkilərin sayının artması və Qəzza zolağında humanitar vəziyyətin fəlakətli şəkildə pisləşməsi ilə bağlı ciddi narahatlığını ifadə edib”, - məlumatda ildirilib.
Telefon danışığında ölkə liderləri həmçinin Şanxay Əməkdaşlıq Təşkilatı və BRİKS çərçivəsində gələcək koordinasiya haqqında razılığa gəliblər.
Tərəflər ticarət-iqtisadi əlaqələrinin genişləndirilməsi və böyük investisiya layihələrini müzakirə edib.
Bundan əlavə, İbrahim Rəisi Vladimir Putini yenidən Rusiya Federasiyasının prezidenti seçilməsi münasibətilə ürəkdən təbrik edib.
İran lideri Rusiya-İran dostluq münasibətlərinin iki ölkə xalqlarının rifahı naminə bundan sonra da dinamik şəkildə inkişaf edəcəyinə əminliyini ifadə edib.
Rusiya lideri öz növbəsində İranın Ali Rəhbəri Seyid Əli Xamneyiyə xoş arzularını çatdırıb və müsəlmanların müqəddəs Ramazan ayı və baharın gəlişi Novruz bayramının başlanması münasibətilə İran xalqını təbrik edib.
www.anews.az
Oxşar xəbərlər
Oxşar xəbərlər
Foto 
Video 
