Moldova Rusiyaya etiraz edib
19.03.2024 16:36
Moldova Xarici İşlər Nazirliyi Rusiya səfirliyinin əməkdaşını Dnestryanı bölgədə (Moldovanın separatçı rejim tərəfindən idarə olunan bölgəsi) Rusiya Federasiyasının prezidenti seçkilərini təşkil etdiyi üçün persona non qrant elan edib. Bu barədə Moldova Xarici İşlər Nazirliyi məlumat yayıb.
"Bu kontekstdə Rusiya Federasiyasının səfirinə rəsmi məlumat verilib ki, səfirlik əməkdaşlarından biri Moldova Respublikası ərazisində persona non-qrata elan edilib və ölkəni tərk etməlidir”, - məlumatda deyilir.
Xarici İşlər Nazirliyi Moldovanın Dnestryanı bölgəsində Rusiya prezidenti seçkilərinin keçirilməsi ilə bağlı Rusiya səfirinə etirazını bildirib.
Rusiyanın Moldovadakı səfiri Oleq Vasnetsov Rusiya Federasiyasında prezident seçkiləri zamanı Dnestryanı (Moldovanın separatçı bölgəsi ) ərazisində seçki məntəqələrinin işləməsi ilə əlaqədar Moldova Xarici İşlər Nazirliyinə çağırılıb. Bu barədə TASS-a səfirliyin mətbuat xidmətindən məlumat verilib.
"Rusiya Federasiyasının səfiri Rusiya Federasiyasının prezidenti seçkilərində Dnestryanıda səsvermə ilə əlaqədar çağırıldığı Moldovanın Xarici İşlər Nazirliyinə gəlib”, - mətbuat xidməti qeyd edib.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
