İtaliyada 4,6 bal gücündə zəlzələ olub

İtaliyanın Neapol şəhəri yaxınlığındakı Kampi Fleqrey bölgəsində 4,6 bal gücündə zəlzələ baş verib. Bu, bölgədə son 40 ildə qeydə alınan ən şiddətli yeraltı təkandır.

İtaliyanın Geofizika və Vulkanologiya İnstitutunun məlumatına görə, episentri Bakoli qəsəbəsi olan zəlzələnin ocağı 5 kilometr dərinlikdə yerləşib. Bölgədə müxtəlif maqnitudalı ardıcıl yeraltı təkanlar olub.

Təbiət hadisəsi əhali arasında təşviş yaradıb, insanlar evlərini tərk ediblər. Bölgədə qatarların hərəkəti müvəqqəti dayandırılıb. Zəlzələ Neapol şəhərində də hiss olunub.