Suriyanın gerbi dəyişir

Suriyanın yeni hökuməti ölkənin gerbini dəyişdirməyə qərar verib.Bu barədə "Al-Ikhbaria" telekanalı məlumat verib.

Yeni gerbdə qanadlanmış və üzərində üç ulduz olan qartal təsvir olunub.

Yeni dövlət simvolu paytaxt Dəməşqdə təntənəli tədbir zamanı təqdim edilib. Mərasimdə çıxış edən Suriyanın keçid dövrü prezidenti Əhməd əş-Şaraa bildirib ki, dəyişdirilmiş qartal "Suriya xalqının tarixinin yeni mərhələsinə keçidə işarə edir, həmçinin suriyalılara xas olan güc və qətiyyəti təcəssüm etdirir".