Dronlar Rostov vilayətini və Moskvaətrafı əraziləri vurdu, ölən var

Rusiya hakimiyyəti gecə saatlarında Rostov vilayəti və Moskva yaxınlığındakı Serqiyev Posad rayonuna dron hücumlarının baş verdiyini bildirib. Hücum nəticəsində bir qadın həlak olub, yaşayış obyektlərinə ciddi ziyan dəyib.

Rostov vilayətinin icra başçısının səlahiyyətlərini icra edən Yuri Slyusar bildirib ki, Azov şəhərində avtomobillər və mənzillər zədələnib, dronun qalıqları yerli stadionun ərazisinə düşüb.

Dələtinka qəsəbəsində çoxmərtəbəli binaya dronun düşməsi nəticəsində bir qadın həyatını itirib, bina sakinlərindən 20 nəfər təxliyə olunub.

Serqiyev Posad şəhərinin meri Oksana Eroxaovanın sözlərinə görə, “Zvezdoçka” mikrorayonunda bir neçə partlayış baş verib, elektrik yarımstansiyası zədələnib. Sakinlər səhər saatlarında dron səsləri eşitdiklərini bildiriblər.

Rusiya Müdafiə Nazirliyi bəyan edib ki, hava hücumundan müdafiə sistemləri gecə ərzində 48 Ukrayna dronunu vurub. Onlardan 26-sı Rostov, 12-si Kursk, 6-sı Belqorod, 3-ü Orlov və 1-i Lipetsk vilayəti üzərində məhv edilib.

Ukrayna hələlik insidentə münasibət bildirməyib.

N.Təbrizli