Mask yeni partiya yaratdığını elan edib

İlon Mask X sosial şəbəkəsindəki səhifəsində keçirdiyi səsvermənin nəticələrinə əsasən “Amerika” adlı siyasi partiyanın yaradıldığını elan edib.

“2-1 nisbətində siz yeni siyasi partiya istədiniz və onu əldə edəcəksiniz. Ölkəmiz həddindən artıq xərclər və rüşvətxorluq səbəbindən iflasa uğradığı bir dövrdə, biz artıq demokratiyada deyil, təkpartiyalı sistemdə yaşayırıq. Amerika Partiyası bu gün azadlığınızı geri qaytarmaq üçün yaradıldı",- deyə Mask qeyd edib.

Sosial şəbəkədə keçirilən səsvermədə 1,2 milyondan çox istifadəçi iştirak edib. Onlardan 65,4%-i yeni siyasi partiyanın yaradılmasını dəstəkləyib.