İsrail Livana zərbələr endirib, HƏMAS və “Hizbullah” komandirləri öldürülüb

İsrail ordusu Livanın şimal və cənubuna hava zərbələri endirib, nəticədə HƏMAS və “Hizbullah” hərəkatlarının yüksək rütbəli üzvləri öldürülüb, - deyə hərbi və tibbi mənbələr bildirir.

Tripoli şəhərində İsrail aviasiyası avtomobili hədəfə alaraq azı iki nəfəri öldürüb, üç nəfəri yaralayıb. Ordu zərbənin “HƏMAS-ın əsas terrorçusu”na qarşı yönəldiyini açıqlayıb.

Bundan əvvəl İsrail Müdafiə Ordusu “Hizbullah”ın elitar “Rədvan” birləşməsinin komandiri Əli Əbd əl-Həsən Haidarı Deyr Kifə bölgəsində zərbə ilə məhv etdiyini təsdiqləyib. Beit-Lif bölgəsində də bir “Hizbullah” döyüşçüsü öldürülüb.

N.Təbrizli