“X”in baş direktoru istefa verib

“X” platformasının baş direktoru Linda Yakkarino vəzifəsindən istefa verdiyini açıqlayıb.O, bu barədə “X” sosial şəbəkəsindəki hesabında yazıb.

“İki inanılmaz ildən sonra mən “X” şirkətinin baş direktoru vəzifəsini tərk etmək qərarına gəldim. “X” komandası ilə inanılmaz dərəcədə qürur duyuram, biznesdə tarixi dönüş əlamətdar idi”, - paylaşımda deyilir.

O, postunu tərk etməsinin səbəblərini açıqlamayıb.

Qeyd edək ki, Yakkarino “X” şirkətinin baş direktoru vəzifəsini 2023-cü ilin mayında İlon Maskın sosial şəbəkəni satın almasından sonra tutub. Daha əvvəl isə o, Amerikanın “NBC Universal” mediakorporasiyasında satış direktoru olub.

İlon Mask hələlik baş direktorun istefasını şərh etməyib.