Aİ-nin XİN rəhbərləri Rusiyaya qarşı 18-ci sanksiya paketini razılaşdıra bilməyiblər

Avropa İttifaqı ölkələrinin nazirləri Brüsseldə keçirilən görüşdə Rusiyaya qarşı 18-ci sanksiya paketini razılaşdıra bilməyiblər.Bu barədə Macarıstanın xarici işlər naziri Peter Siyarto bildirib.

Slovakiya Avropa Komissiyasının 2028-ci ilə qədər Rusiya nefti və qazından imtina planı fonunda enerji təminatı zəmanətləri tələb edir və bu təminatlar verilmədiyi üçün sanksiyaları dəstəkləmir.

Siyatro əlavə edib ki, Macarıstan da bu mövqeni dəstəkləyir. Eyni zamanda, o, əvvəlki 17 sanksiya paketinin nəticə vermədiyini, buna görə yeni sanksiyaların sərtləşdirilməsinin məntiqsiz olduğunu vurğulayıb.

Nazir qeyd edib ki, Macarıstan öz maraqlarını qorumaq üçün təklif olunan paketdə ölkəyə zərər verə biləcək müddəaların qarşısını alıb və Aİ-nin enerji planına qarşı çıxmağa davam edəcək.