Ərdoğan Əhməd Əş-Şaraa ilə Suriyadakı vəzyyəti müzakirə edib

Türkiyə Prezidenti Rəcəb Tayyib Ərdoğanla Suriya Prezidenti Əhməd Əş-Şaraa arasında telefon danışığı olub.Bu barədə “Haber Global” məlumat yayıb.

Liderlər İsrailin hücumlarından sonra Suriyadakı son vəziyyət müzakirə ediblər.

Ərdoğan danışıq zamanı İsrailin Suriyaya qarşı hücumlarının qəbuledilməz olduğunu, bu hadisənin bütün region üçün təhlükə yaratdığını, Türkiyənin Suriya xalqına dəstək verməyə davam edəcəyini bildirib.

O, Suriyada druzlarla əldə edilən atəşkəsin Türkiyə tərəfindən məmnuniyyətlə qarşılandığını qeyd edib.

Əhməd əş-Şaraa Suriyada siyasi birliyin qorunması, ərazi bütövlüyünün təmini və suverenliyin mühafizə edilməsinə dəstəkləri üçün Prezident Ərdoğana təşəkkürlərini bildirib.