Tramp gələn həftə Putinlə görüşməyi planlaşdırır - KİV

ABŞ Prezidenti Donald Tramp gələn həftə rusiyalı həmkarı Vladimir Putinlə görüşməyi planlaşdırır.Bu barədə “The New York Times” mənbələrə istinadən yazıb.

Məlumata görə, Ağ Ev rəhbəri ikitərəfli görüşdən sonra Vladimir Putin və Zelenskinin iştirakı ilə üçtərəfli görüş təşkil etmək niyyətindədir.

Tramp bu barədə çərşənbə günü Avropa liderləri ilə telefon danışığı zamanı bildirib.

Telefon danışığında Tramp və Zelenskiylə yanaşı, Böyük Britaniya Baş naziri, Almaniya kansleri, NATO Baş katibi, ABŞ vitse-prezidenti Cey Di Vens, dövlət katibi Marko Rubio və Trampın sülh missiyaları üzrə xüsusi nümayəndəsi Stiv Vitkoff da iştirak edib.