İranda reysdən çıxan qatarda 30 nəfər xəsarət alıb

İranın cənub-şərqində, Kerman-Zərənd dəmir yolu xəttində qatarın relsdən çıxması nəticəsində 30 nəfər xəsarət alıb.

Qızıl Aypara Cəmiyyətinin yardım və xilasetmə təşkilatının rəhbəri Babək Mahmudi bildirib ki, hadisə zamanı 30 nəfər yaralanıb.

Milli Dəmir Yolu İdarəsinin ictimaiyyətlə əlaqələr şöbəsinin məlumatına görə, texniki heyət və xilasetmə xidmətləri hadisə yerinə vaxtında çataraq bütün sərnişinlərin təhlükəsiz şəkildə qatarı tərk etməsini təmin edib.

Qatarda ümumilikdə 450 sərnişinin olduğu bildirilib. Ölənlər barədə məlumat yoxdur.

2022-ci ilin iyununda İranın mərkəzində Tabas şəhəri yaxınlığında qatar relsdən çıxaraq 21 nəfərin ölümünə səbəb olmuşdu. 2016-cı ildə isə İranın şimalında iki qatarın toqquşması və alovlanması nəticəsində 44 nəfər həlak olmuşdu.

Aytac