Türkiyədə güclü zəlzələ qeydə alınıb - Video - Yenilənib

Türkiyənin Balıkesir vilayətinin Sındırğı rayonunda baş verən zəlzələ nəticəsində 1 nəfər ölüb, 29 nəfər xəsarət alıb.Bu barədə Türkiyənin daxili işlər naziri Ali Yerlikaya məlumat verib.

22:35

Türkiyənin Balıkesir vilayətinin Sındırğı rayonunda qeydə alınan 6,1 maqnitudalı zəlzələ nəticəsində bir bina dağılıb. Dağıntılar altından 2 nəfər çıxarılıb, daha 2 nəfərin xilas olunması ilə bağlı əməliyyat davam edir.Bu barədə Türkiyənin daxili işlər naziri Ali Yerlikaya “X”dəki səhifəsində bildirib.

O, qeyd edib ki, hazırda xilasetmə işləri davam etdirilir.

22:06

Türkiyədə zəlzələlərdən sonra üç maqnitudadan yuxarı 7 afterşok qeydə alınıb.Bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Təbiət hadisələri Manisa, İzmir, Uşak və Bursa vilayətlərində hiss olunub. Hazırda axtarış-xilasetmə tədbirləri davam edir.

21:46

Balıkəsir şəhərində 6,1 maqnitudalı zəlzələ baş verib, İstanbul, Trakya və İzmir də daxil olmaqla bir sıra bölgələrdə hiss olunub, – “TRT Haber” xəbər verir.

Yeraltı təkanlar 11 kilometr dərinlikdə qeydə alınıb və təxminən 20 saniyə davam edib. Zəlzələnin fəsadları barədə hələ məlumat yoxdur.

Türkiyənin daxili işlər naziri Ali Yerlikaya “X” platformasında yazıb ki, Balıkəsirin Sındırgı rayonunda baş verən təkanlardan sonra AFAD və aidiyyəti qurumlar dərhal araşdırmalara başlayıb: “Hazırda mənfi hadisə qeydə alınmayıb, vəziyyəti izləyirik