Trampın təşəbbüsü ilə keçirilən əməliyyatda 43 nəfər saxlanılıb

ABŞ Prezidenti Donald Trampın təşəbbüsü ilə Vaşinqtonda cinayətkarlığa qarşı keçirilən əməliyyat çərçivəsində son bir gecə ərzində 43 nəfər saxlanılıb. Bu barədə Ağ Evin nümayəndəsi məlumat verib.

ABC telekanalı xəbər verir ki, saxlanılanlar çərşənbə axşamı gecəsi hüquq-mühafizə orqanları tərəfindən ələ keçirilib.

Daha əvvəl The Washington Post yazmışdı ki, Tramp administrasiyası ölkə daxilində iğtişaşların qarşısını almaq məqsədilə 600 nəfərlik sürətli reaksiya qüvvələri yaratmağı planlaşdırır. Bu qüvvələr bir saat ərzində fəaliyyətə başlaya biləcək hazırlıq vəziyyətində olacaq.

Pentaqon isə daha əvvəl Vaşinqtona 800 nəfərlik Milli Qvardiya heyətinin göndərildiyini açıqlayıb.

N.Təbrizli