Rusiya Ukraynanın cənubundakı enerji infrastrukturunu vurub

Ukrayna Hərbi Hava Qüvvələrinin məlumatına görə, Rusiya bazar ertəsi gecə Ukraynanın cənub bölgələrinə, o cümlədən Odessa və Poltava vilayətlərindəki enerji obyektlərinə genişmiqyaslı pilotsuz uçuş aparatları və raket zərbələri endirib.

Partlayışlar Odessa, İzmeyil və Tatarbunar şəhərlərində qeydə alınıb. Hücumlar əsasən Shahed tipli dronlar və ballistik raketlərlə həyata keçirilib.

Odessa meri Henadi Truxanov sakinləri sığınacaqlarda qalmağa çağırıb. Həyəcan siqnalları Poltava, Jitomir, Volın və Rovno vilayətlərində də səsləndirilib.

Ukrayna Energetika Nazirliyi neft və qaz infrastrukturlarına zərər dəydiyini təsdiqləyib. Kremençuk və Lubnı şəhərlərində yanğınlar baş verib, bir sıra ərazilərə qəlpələr düşüb.

Bu, son həftələrdə qeydə alınan ən genişmiqyaslı hava hücumlarından biri olub. Ukrayna ordusu Rusiyanın buraxdığı 270 drondan 230-nu vurduqlarını bildirib.

Odessada SOCAR-a məxsus neft obyektinə son bir ayda ikinci dəfə zərbə endirilməsi beynəlxalq səviyyədə, o cümlədən ATƏT Parlament Assambleyası tərəfindən kəskin tənqid edilib.

N.Təbrizli