ABŞ-İran qarşıdurması fonunda neft bahalaşıb

Londonun ICE birjasında “Brent” markalı neftin noyabr fyuçerslərinin qiyməti 2,94% artaraq 90,69 dollara yüksəlib.

ABŞ və İran arasında Yaxın Şərqdə qarşıdurmanın yenidən kəskinləşməsi fonunda neft qiymətləri artıb. Reuters-in məlumatına görə, ABŞ qüvvələrinin İranın Hörmüz boğazındakı Larak adasında raket qurğularına zərbələr endirməsi və İranın ABŞ qüvvələrinə cavab zərbəsi həyata keçirməsi bazarda neft tədarükü ilə bağlı narahatlıqları artırıb.

Ticarət zamanı “Brent” markalı neftin qiyməti 1 barel üçün 90,69 dollara, yaxud 2,94% artıb. Hazırda neft 90,46 dollar səviyyəsində ticarət olunur.

ABŞ-ın “West Texas Intermediate” (WTI) markalı neftinin oktyabr fyuçerslərinin qiyməti isə 2,34% artaraq 85,35 dollar olub.

Neft bazarında bahalaşmaya əsas səbəblərdən biri dünyanın əsas enerji nəqli marşrutlarından biri olan Hörmüz boğazında gərginliyin artmasıdır. Reuters yazır ki, boğazdan neft daşımalarının təhlükəsizliyi ilə bağlı narahatlıqlar qiymətlərə təzyiq göstərir.