Qazaxıstanın müdafiə naziri vəzifəsindən azad edilib

Qazaxıstan Prezidenti Kasım-Jomart Tokayev Daüren Kosanovu müdafiə naziri vəzifəsindən azad edib.Bu barədə Qazaxıstan Prezidentinin Administrasiyası məlumat yayıb.

Bildirilib ki, Tokayev bununla bağlı sərəncam imzalayıb.

Kosanovun vəzifədən azad edilməsi sentyabrın 24-də Xəzər dənizində hərbi təlimlər zamanı hərbçilərin ölümü ilə nəticələnən hadisədən bir neçə gün sonraya təsadüf edir.

Hadisə zamanı hərbçilərin olduğu qayığın sahilə çıxarılması prosesində hava şəraiti kəskin pisləşib və güclü külək nəticəsində 17 hərbçi dənizə aparılıb.

Hadisə nəticəsində 14 hərbçi həlak olub, üç nəfər xilas edilib. Hadisənin səbəblərinin müəyyənləşdirilməsi üçün araşdırma aparılır.