“Barselona”dan Ardaya görə daha bir müraciət

"Barselona” yeni transferi Arda Turanın qarşıdakı La Liqa matçlarında oynamasına razılıq almaq üçün İspaniya Futbol Federasiyasına müraciət edib.

Qol.Az-ın "Hürriyyət” qəzetinə istinadən yaydığı xəbərə görə, Kataloniya təmsilçisi daha sonra FİFA-ya müraciət etmək niyyətindədir. Qəzet yazıb ki, "Barsa”nın bununla bağlı əvvəli müraciətini rədd edən dünyanın ali futbol qurumunun bu məsələdə mövqeyi artıq yumşalıb. Güman olunur ki, FİFA bu dəfə kluba güzəştə gedəcək.

Xatırladaq ki, FİFA-nın "Barselona”ya transfer cəzası səbəbindən Arda Turanın transferi bu qurum tərəfindən 2016-cı ilin yanvarında təsdiq olunmalıdır. Yalnız bundan sonra türk futbolçu "Barselona”da oynaya biləcək.

Lakin "Barselona”nın yarımmüdafiəçisi Rafinya zədələnərək uzun müddətə sıradan çıxdıdığından "Barselona” Ardanın builki matçlarda çıxış etməsi üçün yenidən yerli futbol federasiyasına müraciət ünvanlayıb. Yekun sözü isə FİFA deməlidir.

Qeyd edək ki, FİFA tərəfindən Ardayla bağlı müraciətə yaxın 10 gün ərzində cavab verilməlidir. Cavab müsbət olsa, bu halda Arda artıq oktyabrın 4-ü "Raye Valyekano” ilə oyunda iştirak edə biləcək.