"Avro-2016"ya ən çox oyunçu göndərən klublar

Fransada təşkil olunacaq Avropa futbol çempionatının startına bir həftə qalır.

Qol.az-ın xarici KİV-lərə istinadən verdiyi məlumata görə, artıq turnirə ən çox futbolçu göndərən klublar müəyyənləşib.

Siyahıya İtaliyanın "Yuventus" və İngiltərənin "Liverpul" klubları başçılıq edir. Hər iki klub "Avro-2016"da müxtəlif milli komandalar səviyyəsində 12 futbolçu ilə təmsil olunacaq. Digər ingilis klubu "Tottenhem" isə 11 futbolçu ilə üçüncü olub. Türkiyədən "Fənərbaxça" klubu 9 futbolçusu ilə ilk "10"luqda yer alıb.

"Avro-2016"da ən çox futbolçu ilə təmsil olunacaq ölkə çempionatlarının siyahısında zirvədə İngiltərə Premyer Liqası qərarlaşıb. Premyer Liqa turnirə 103 futbolçu göndərməklə birinci olduğu halda, Bundesliqa (57) və A Seriyası (52) ikinci-üçüncü pillələri bölüşdürür.

Qeyd edək ki, "Avro-2016"nın final mərhələsində Avropa çempionatlarının tarixində ilk dəfə 24 komanda mübarizə aparacaq.

 

1. "Liverpul" (İngiltərə) - 12 oyunçu 

2. "Yuventus" (İtaliya) - 12 oyunçu 

3. "Tottenhem" (İngiltərə) - 11 oyunçu 

4. "Mançester Yunayted" (İngiltərə) - 9 oyunçu 

5. "Barselona" (İspaniya) - 9 oyunçu 

6. "Fənərbaxça" (Türkiyə) - 9 oyunçu 

7. "Bavariya" (Almaniya) - 9 oyunçu 

8. "Şaxtyor" (Ukrayna) - 9 oyunçu