Avrokuboklarda ən çox forma geyinən 10 futbolçu

Avrokuboklarda ən çox forma geyinən futbolçuların adları müəyyənləşib.Qol.Az-ın "goal.com"a istinadən verdiyi məlumata görə, 10 futbolçunun yer aldığı siyahıya "Milan"ın sabiq kapitanı Paulo Maldini başçılıq edir.Karyerası ərzində yalnız "Milan"da oynayan Maldini komandasının heyətində 174 avrokubok matçında forma geyinib. İkinci pillədə Hollandiya millisinin sabiq üzvü Klarens Zeedorf qərarlaşıb. Hazırda "Milan" klubunu çalışdıran Zeedorf futbolçu karyerasında 163 avrokubok oyunlarında meydana çıxıb. "Real" (Madrid) klubunun canlı əfsanəsi Raul Qonzales və "Barselona"nın yarımmüdafiəçisi Xavi Hernandez isə 161 oyunla 3-4-cü pilləni bölüşürlər.Qeyd edək ki, siyahıda olan 10 oyunçudan yalnız 3-ü - Xavi Hernandez ("Barselona"),  Xavyer Zanetti ("İnter") və Rayan Qiqqz ("Mançester Yunayted") hazırda futbolçu karyeralarını davam etdirir.

Sıra	Bayraq	Futbolçular	Oyunlar	İlk oyunları	Karyeralarının son ili	Klublar
1		Paolo Maldini	174	1985	2009	Milan
2		Zeedorf	163	1992	2012	Ayaks, Sampdoriya, Real (Madrid), İnter, Milan
3		Raul Qonzales	161	1995	2012	Real (Madrid), Şalke
4		Xavi Hernandez	161	1999	-	Barselona
5		Xavyer Zanetti	160	1995	-	İnter
6		Rayan Qiqqz	157	1991	-	Mançester Yunayted
7		Cimi Karager	150	1997	2013	Liverpul
8		Roberto Karlos	144	1995	2012	İnter, Real (Madrid), Fənərbaxça
9		Van der Sar	143	1993	2011	Ayaks, Yuventus, Fulhem, "Mançester Yunayted"
10		Şevçenko	143	1994	2012	Milan, Çelsi, Milan, Dinamo (Kiyev)

ANN.Az