“Təzyiqlər olacağından çəkinirdim” – “Qarabağ”ın futbolçusu

Bu sözləri Qol.Az-a açıqlamasında "Qarabağ”ın futbolçusu Namiq Ələsgərov Azərbaycan kubokunun 1/4 final mərhələsinin "Bakı” ilə cavab matçından (4:1) sonra deyib.

Gənc hücumçu  sabiq komandasına qarşı keçirdikləri oyunu belə şərh edib:  "Düzdür, təzyiqlər olacağından çəkinirdim. Düşünürdüm ki, problem ola bilər. Amma "Bakı” ilə hər şey qaydasındadır. Aramızda heç bir problem qalmayıb”.

N.Ələsgərov yenidən milli komandaya dəvət alacağına ümid etdiyini bildirib: "Qarşıda bizi "Sumqayıt”la oyun gözləyir. Bu oyuna da yaxşı hazırlaşıb qalib gəlməyə çalışacağıq. Həmin görüşdən sonra milli komandanın Malta ilə oyunu var. Hər zaman çalışıram ki, özümü yaxşı tərəfdən görstərib milliyə dəvət alım. Baş məşqçi Prosineçkidən yenidən dəvət gözləyirəm.  Onun rəhbərliyi altında ilk rəsmi matçda oynamaq istəyirəm”.