Sorğu: Rusiyalılar Azərbaycanı dost ölkə hesab edir

Rusiyanın hər beş sakinindən biri (21%) son illərdə Moskva və Vaşinqton arasındakı münasibətlərin yaxşıya doğru dəyişdiyini hesab edir.

"Report" Rusiya KİV-inə istinadən xəbər verir ki, bunu "Levada Mərkəzi" tərəfindən aparılan sorğunun nəticələri göstərir.

Eyni zamanda, respondentlərin 17%-i bunun əksini deyib, 54% rəyi soruşulan isə dəyişiklik görmədiyini bildirib.

Rusiyalı respondentlər ölkənin ən yaxın dostları kimi Belarus (46%), Çin (39%) və Qazaxıstanı (34%) göstərib. Həmçinin Azərbaycan (9%), Suriya (15%), Hindistan (14%), Kuba (11%) da Rusiya dost ölkələrin sırasına daxil edilib.

Ölkənin əsas düşmənləri kimi rusiyalılar ABŞ (69%), Ukrayna (50%), eləcə də Almaniyanı (24%) fərqləndirib.

Bundan əlavə, rusiyalı respondentlər Latviya və Litvanı (24%), Polşanı (21%), Estoniyanı (16%), Böyük Britaniyanı (15%), Gürcüstanı (9%), Fransanı (8%) Rusiyaya qarşı düşmən münasibətdə olan ölkələr sırasına daxil ediblər.