Çin yaxın illərdə ABŞ-ı ötəcək - Birol

Axar.az xəbər verir ki, bunu Beynəlxalq Neft Həftəsində çıxışı zamanı Beynəlxalq Energetika Agentliyinin rəhbəri Fateh Birol söyləyib. Onun sözlərinə görə, ABŞ və Avropa nüvə energetikası sferasına yetərli qədər investisiya qoymur:

"Hazırda dünyada 60 atom elektrik stansiyası tikilir. Bunun üçdə biri Çinin ərazisinə düşür. Çin irəli gedir və tezliklə, biz görəcəyik ki, onlar ABŞ-ı keçib lider olublar. ABŞ 1960-cı ildən bu sferada liderdir. Avropanın nüvə enerjisi istehsalında lider olan Fransada AES-lər son illər kəskin şəkildə azalıb. Əgər belə getsə, ABŞ-ın bu bazardakı payı 20%-dən 7%-ə düşəcək”.