Ərdoğan İspaniyanı qarışdırdı - VİDEO

Türkiyə prezidenti Rəcəb Tayyib Ərdoğanın Amerikanı Xristofor Kolumbdan əvvəl müsəlmanların kəşf etdiyini söyləməsi İspaniyada böyük səs-küy yaradıb.

ANS PRESS-in məlumatına görə, Türkiyə prezidentinin bu açıqlamasına ispan mətbuatı sənədlərlə cavab verməyə çalışıb. Buna qarşılıq olaraq isə türk prezidentdən söylədiklərinin həqiqət olduğunu əks etdirən sübut tələb ediblər.

“Kolumbun xatirələrində Kubada bir dağın təpəsində məscid olduğu yazılmayıb. Həmin dövrlərdə yaşayan filosof və dini xadimlərdən biri kimi tanınan Bartolome de Las Kasas səyyah barədə yazdığı hekayədə Kubanı rəsvir edərkən “Bir dağ gördüm, dağın üzərində zərif məscidə bənzəyən kiçik təpə vardı” sözləri yazılıb. Lakin bu sözlər bir din xadiminin uydurduğu nağıldan və bənzətmədən başqa bir şey deyil, heç bir həqiqəti də əks etdirmir.” – deyə ispan qəzetlərində R.T.Ərdoğana cavab açılaması verilib.

Xatırladaq ki, Birinci Latın Amerika ölkələri müsəlman dini liderlərinin zirvə görüşünün yekununda çıxış edən Ərdoğan deyib ki, Kolumbdan 314 il əvvəl, yəni 1178-ci ildə müsəlman dənizçilər Amerika qitəsinə üzüblər. Onun sözlərinə görə, hətta Kolumb xatirələrində Kuba sahillərinə çatanda dağın təpəsində bir məscid gördüyündən bəhs edib.

ANN.Az