Rusiyada 3 yaşlı körpə 35 dərəcə şaxtada meşədən sağ çıxdı

Rusiyanın Xabarovsk vilayətində möcüzəyə bənzər hadisə baş verib.

"Ölkə.Az” xəbər verir ki, 3 yaşlı oğlan uşağı 3 km yol qət edərək 35 dərəcə şaxtada meşədən tək çıxıb. Onun atası isə qarda hərəkət edən maşınla qırılan buzun altına düşüb.

Kenay kəndindən bildirilir ki, ata və oğlu bağçadan sonra "Buran” sürməyə gediblər. Onlar hərəkət edəndə buz qırılıb. Ata uşağı sahilə çıxarıb və maşını fırlatmaq istəyib. Amma maşın buzun altına gedib. Uşaq bildirib ki, atası boğularkən ona səslənib və anasının işlədiyi dükana getməsini istəyib.

3 yaşlı uşaq isə yola qədər gedib və qonşu kəndə çıxıb. Yerli sakin onu tapıb və evinə aparıb. Uşağın 3 km məsafə qət etdiyi məlum olub. Hazırda onun atasının axtarışları davam edir.