Hindistanda "qara kif"ə yoluxanların sayı artıb

Hindistan həkimləri "qara kif" xəstəliyinə 40,8 min yoluxma halını aşkarlayıblar.

Bu barədə Hindistanın səhiyyə naziri Xarş Vardxan bildirib.

Xəstəliyin aşkarlandığı 3 000-dən çox pasiyent dünyasını dəyişib.

"Göbələkşəkilli infeksiyalardan ölüm sayı 3 129 hal təşkil edib, eyni zamanda ümumilikdə 40 845 yoluxma halı qeydə alınıb", - nazir brifinqin gedişatında deyib.

"Qara kif” xəstəliyi tibb dünyasında mukormikoz adlanır. İmmun sistemi zəif olanlar, diabet xəstələri və artıq çəkili insanlar bu xəstəliyə yoluxa bilərlər.

Xəstəliyin əlaməti yüksək temperatur, nəfəs darlığı, sinə və baş ağrısı, gözlərdə şişkinlik, üzün təktərəfli şişməsi, burun içi və üzdə qaralıqlar, yaddaş azlığıdır.