Rusiya hərbçiləri Melitopolu tam nəzarətə götürüb

   

O, həmçinin bildirib ki, Rusiya Silahlı Qüvvələri Ukraynanın hərbi infrastrukturuna havadan və dənizdən qanadlı raketlərdən istifadə edərək dəqiq idarə olunan silahlarla zərbə endirib.

   

Ukrayna prezidentinin müşaviri şənbə günü səhər saatlarında bildirib ki, döyüşlər Ukraynanın cənub şəhərləri regionunda - Mariupol, Xerson, Nikolayev və Odessada gedir.

   

"Mariupol yaxınlığında ağır döyüşlər gedir. Amma Mariupolun təslim olması və ya tutulması şansı yoxdur", - Mixail Podolyak brifinqdə bildirib.  

 

Ukrayna prezidentinin aparat rəhbərinin müşaviri həmçinin söyləyib ki,  Rusiya ilə danışıqlarda hərbi əməliyyatların dayandırılması üçün şərtləri Kiyev diktə edəcək. "Bunlar Ukraynanın diktə edəcəyi şərtlər olacaq. Donetsk və Luqansk vilayətləri də daxil olmaqla, bundan sonra nələrin baş verəcəyini də Kiyev müəyyən edəcək”, o bildirib. 

   

Ukrayna prezidenti Vladimir Zelenski şənbə günü Telegram kanalında yayımladığı videomüraciətdə Kiyevdə olduğunu söyləyib. 

   

"Biz silahlarımızı yerə qoymayacağıq, dövlətimizi müdafiə edəcəyik”, - deyə Zelenski vurğulayıb.

   

Jurnalistlər  şənbə günü səhər Kiyevdə atəş səslərinin eşidildiyini qeyd edirlər.