Aİ ölkələrinin limanları Rusiya gəmiləri üçün bağlanıb

Avropa İttifaqına (Aİ) üzv bütün ölkələrin limanları Rusiya gəmiləri üçün bağlanıb.

Bu barədə Ukrayna Prezident Ofisinin rəhbəri Andrey Yermak məlumat verib.


"Aİ-nin rusiyalılar üçün qadağa direktivi qüvvəyə minib. Bu direktiv Rusiya bayrağı altına qeydiyyatdan keçmiş bütün gəmilərə, o cümlədən fevralın 24-dən sonra qeydiyyatı dəyişmiş gəmilərə şamil edilir”, - o bildirib.


Bu qərar yalnız SOS (Mayday) siqnalı vermiş gəmilərə şamil edilməyəcək. Onlarla bağlı qərar fərdi olaraq qəbul ediləcək.


"Bu istisnaların necə tətbiq ediləcəyini və Rusiya gəmilərinin məhdudiyyətləri pozmaq üçün onlardan istifadə edib-etməyəcəyini izləyəcəyik”, - A.Yermak söyləyib.


Daha əvvəl Bolqarıstan, Rumıniya, İtaliya və Estoniya öz limanlarını Rusiya gəmilərinin üzünə bağlamışdı.

www.anews.az