Putinin qızı ərə getdi

Rusiya prezidenti Vladimir Putinin kiçik qızı Yekaterina Putina ailə həyatı qurub.ANS PRESS-in məlumatına görə, bu barədə “Britain's Got Talent” şousunun iştirakçısı olan məşhur skripka ifaçısı Lettis Roubotem xəbər verib. O, bildirib ki, Yekaterina Koreyanın ehtiyatda olan admiralının oğlu Yun Cun Von ilə ailə həyatı qurub. The Daily Mirror-da qeyd olunub ki, 3 gün davam edən toy Mərakeşdə yerləşən “La Mamounia” otelində keçirilib. Elektroskripkada ifa etməyi ilə məşhurlaşan Lettis açıqlamasında bildirib ki, toy mərasimi tamamilə media üçün qapalı olub: “Bu mənim üçün çox maraqlı təcrübə oldu, həyatım boyunca belə bir toy görməmişdim. Bizə tapşırıq verilmişdi ki, bu barədə heç kimə deməyək”. Skripka ifaçısı bildirib ki, prezidentin qızının toyu olmasına baxmayaraq Putin ona gözlədiyi qonorarı verməyiblər, sadəcə 200 dollar pul ödənilib. Dünyanın bir çox tanınmış simalarının iştirak etdiyi toyun nə vaxt keçirildiyi barədə isə məlumat verilməyib. ANNET.Az