Livanda 10 nəfər vəbadan ölüb

Livanda oktyabrın əvvəlindən 10 nəfər vəba xəstəliyindən vəfat edib.

Modern.az-ın məlumatına görə, bu barədə bazar ertəsi ölkənin Səhiyyə Nazirliyi bildirib.

Ölkədə ilk yoluxma faktı oktyabrın 6-da qeydə alınmışdı. Oktyabrın 12-də isə ilk ölüm faktı qeydə alınıb.

Bu günədək Livanda vəbaya yoluxanların sayı isə 239 nəfərə çatıb.

Livan Səhiyyə Nazirliyinin məlumatına əsasən, ölkədə sonuncu dəfə vəba 1993-cü ildə yayılmışdı.

www.anews.az