Deputatlar dalaşdı - FOTOLAR

Türkiyə Böyük Millət Məclisində dava düşüb. ANS PRESS-in məlumatına görə, deputatlar arasında dava dərshanələrlə bağlı müzakirələr zamanı başlayıb. Hakim Ədalət və İnkişaf Partiyasının (AKP) nümayəndələri ilə müxalifətdə olan Cumhuriyyət Xalq Partiyasının (CHP) deputatları bir birlərinin üstünə gediblər. Parlamentdə vəziyyət gərginləşdiyi üçün CHP-li deputatlar Ali Rıza Öztürkü çölə çıxarmaq istəyiblər. AKP-nin Ankara millət vəkili Fatih Şahin də ona "çölə çıx" deyərək qışqırıb. Öztürkün də Şahini çölə çağırması ilə ara qızışıb. İki millət vəkili bir birinə yumruq zərbələri endiriblər. Bu zaman davaya müdaxilə etmək istəyən başqa bir deputat yerə yıxılıb. Şevki Kulkuloğlu adlı deputatın vəziyyəti pisləşib və burnu qanamağa başlayıb. O, dərhal xəstəxanaya çatdırılıb. İki deputatın davasının qarşısını almaq üçün çox sayda millət vəkili səfərbər olub. ANN.Az