Fransızlar ölkə qoşunlarının Ukraynaya göndərilməsinin əlehinədirlər

Fransa sakinlərinin əksəriyyəti respublika qoşunlarının Ukraynaya göndərilməsinə qarşı çıxıb. Bu barədə Le Journal du Dimanche qəzetinin sifarişi ilə CSA sosioloji xidmətinin keçirdiyi sorğu nəticələrində qeyd olunub. 

Belə ki, respondentlərin 68%-i qoşun göndərilməsinin əleyhinə olub. Respondentlərin 31%-i bu fikri dəstəkləyir, tədqiqat iştirakçılarının 1%-i isə cavab verməkdə çətinlik çəkib.

Eyni zamanda, qadınlar kişilərdən (63%) daha çox (73%) Ukraynaya qoşun göndərilməsinin əleyhinədirlər.


Sorğunun nəticələrinə görə, Fransadakı bütün siyasi qüvvələrin tərəfdarları Ukraynaya hərbi müdaxiləyə qarşı çıxıblar. Lakin bu ideyanı rədd edənlərin ən çoxu (84%) sağçı partiyaların, xüsusilə Milli Mitinqin tərəfdarları arasında müşahidə olunur.


Sorğu noyabrın 26-27-də keçirilib. Burada yaşı 18-dən yuxarı olan 1010 nəfər iştirak edib.

Aytac 
www.anews.az