Mirzoyan bəyan edir ki, Ermənistan Azərbaycanla sülh imzalamağa hazırdır

Ermənistan Azərbaycanla sülh sənədi imzalanmağa hazır olduğunu bir daha bəyan edib. Bunu Ermənistanın xarici işlər naziri Ararat Mirzoyan deyib.

“Mövcud geosiyasi gərginlik və qeyri-müəyyənlik şəraitində Ermənistan Cənubi Qafqazda davamlı sülh və rifahın təşviqinə qətiyyətlə sadiq qalır”, -  Ermənistan XİN rəhbəri bildirib.

Mirzoyan vurğulayıb ki, sülh müqaviləsi layihəsi artıq hər iki ölkə tərəfindən razılaşdırılıb.

Bundan əvvəl Ermənistanın baş naziri Nikol Paşinyan apreldə bəyan edib ki, sülh sənədi imzalamağa hazırdırlar. 

Bundan əvvəl Azərbaycanın xarici işlər naziri Ceyhun Bayramov bildirib ki, Ermənistanla əsas məsələlər həll olunandan sonra sülh sazişi mümkün ola bilər. 

Ermənistan və Azərbaycan martın 13-də sülh müqaviləsi layihəsinin mətni üzrə yekun razılıq əldə etdiklərini bəyan ediblər. 

Hazırda iki ölkə arasında danışıqlar prosesi davam edir. 

Gülnar Nazimqızı