Aİ Ermənistan üzrə müşahidə missiyasına yeni rəhbər təyin edib

Avropa İttifaqı Şurası fevralın 17-də Satu Koyvunu Avropa İttifaqının Ermənistandakı Müşahidə Missiyasının (EUMA) yeni rəhbəri təyin edib.

O, 20 fevral 2026-cı il tarixindən etibarən vəzifəsinin icrasına başlayacaq və bu postda Markus Ritteri əvəz edəcək.

Satu Koyvu 35 ildən artıq milli və beynəlxalq təcrübəyə malik yüksək rütbəli fin polis zabitidir. O, BMT və Aİ missiyalarında – Fələstin ərazilərində, Ruandada, Namibiyada və Kiprdə rəhbər vəzifələrdə çalışıb.

Təyinatadək Finlandiyanın Milli Polis İdarəsində Espoo şəhərində kadrlar şöbəsinin rəhbəri vəzifəsində işləyib.

N.Təbrizli