Sarkozi şərti azadlığa buraxılıb

Fransanın keçmiş prezidenti Nikola Sarkozi 2012-ci il prezident seçkisi kampaniyasının qanunsuz maliyyələşdirilməsi işi üzrə çəkdiyi cəzadan sonra şərti azadlığa buraxılıb. Bu barədə Paris Apellyasiya Məhkəməsinə istinadən “RTL” radiostansiyası məlumat yayıb.

Məhkəmənin qərarına əsasən, Sarkozinin cəzasının yüngülləşdirilməsi ilə bağlı müraciəti təmin olunub və onun üzərində daşıdığı elektron nəzarət qolbağı çıxarılıb.

“Bygmalion işi” kimi tanınan qalmaqal Sarkozinin 2012-ci il seçki kampaniyasını təşkil edən piar şirkətinin adı ilə bağlıdır. İstintaqa görə, kampaniya xərcləri qanunla müəyyən edilmiş limiti aşaraq təxminən 43 milyon avroya çatıb.

Paris Apellyasiya Məhkəməsi 2024-cü ilin fevralında Sarkozini seçki kampaniyasının qanunsuz maliyyələşdirilməsində təqsirli bilərək bir il müddətinə azadlıqdan məhrum etmişdi. Hökmdən altı ay şərti, digər altı ay isə elektron nəzarət altında icra olunurdu.

Nikola Sarkozi 2007–2012-ci illərdə Fransa prezidenti olub.